★ဘဝမှာကံအကြောင်းဆုံလို့ တွေ့ကြရတဲ့အချိန်လေးမှာအကောင်းမြင်စေချင်ပါတယ်။ကိုယ့်ဘဝ
မှာတကယ်ဆုံဆည်းခွင့်ရတာ ဘယ်နှစ်ယောက်များရှိလို့လဲ။နည်းနည်းလေးပါ။
★ ဆုံခွင့်ရတဲ့သူအချင်းချင်း တစ်ဦးနှင့်တစ်ဦး
နားလည်မှုရှိစေချင်ပါတယ်။မကောင်းမြင်ဖို့ဆိုရင် အမြင်ကောင်းဖို့လည်းလိုပါတယ်။အမြင်ကောင်းဖို့ဆိုတာ မျက်စိကောင်းဖို့ပြောတာမဟုတ်ပါဘူး။တဖက်သားအပေါ်မှာ
ထားရှိတဲ့ စိတ်နေစိတ်ထား ရိုးရှင်းဖို့ပြောတာပါ။
★လူတစ်ယောက်ကို အကောင်းမြင်ဖိုဆိုရင်
ကြည့်တဲ့သူနှင့်ပဲဆိုင်ပါတယ်။
အကောင်းတွေချည်းစုနေတဲ့သူ မရှိသလို၊
အဆိုးတွေချည်းများနေတဲ့သူ လည်းမရှိပါဘူး။
ကြည့်တဲ့သူကအဆိုးတွေရွေးကြည့်ရင်..စိတ်နှလုံး
မသာမယာဖြစ်မယ်။
★ လူတစ်ယောက်ကို တစ်ခုလောက်မကောင်းမြင်
ကြည့်လိုက်ပါ။အဲဒီလူရဲ့မကောင်းတဲ့လုပ်ရပ်တွေ
ကိုယ့်စိတ်ထဲ တစ်ခုပြီးတစ်ခု ရောက်လာပါလိမ့်မယ်။အဲဒီ့အချိန်မှာ
သူတစ်ပါးရဲ့မကောင်းကွက်တွေ
နှလုံးသွင်းရလို့ သင့်စိတ်တွေပင်ပန်းနေလိမ့်မယ်။
လူတစ်ယောက်က်ို တစ်ခုလောက် ကောင်းတာတွေ ရွေးကြည့်လိုက်ပါဦး။
အဲဒီလူရဲ့ ကောင်းကွက်တွေ၊သင့်စိတ်ထဲ တစ်ခုပြီးတစ်ခု ဝင်လာလိမ့်မယ်။
အဲဒီလူကိုကြည့်တဲ့သင့်စိတ်ဟာ ကောင်းနေတဲ့အတွက် သင်ဟာစိတ်ကောင်းကို ပိုင်ဆိုင်
ထားတဲ့ပုဂ္ဂိုလ်ဖြစ်ပြီပေါ့။
စိတ်ကောင်းကိုပိုင်ဆိုင်ထားတဲ့ ပုဂ္ဂိုလ်ကို
ဆင်းရဲပင်ပန်းမှုတွေ မဖြစ်စေနိုင်တာကတော့
သေချာပါတယ်။
ဗောဓိမြိုင် သစ္စာရွှေပြည်ဆရာတော် (အရှင်ဝိလာသဂ္ဂ)
ကာရံမဲ့အလွမ်း(ဘိုကလေးသား)
Comments